Қазақ әдебиетіне үш роман қосылды
Жазушылар «жоба – елдегі әдеби процеске серпін берген бастама» дейді.
«Жас қалам – жаңа роман» жобасының негізінде жарық көрген кітаптар көпке ұсынылды. Жазушылар одағының бастамасымен жарияланған байқауға 9 қатысушы өтініш білдірген, деп хабарлайды Malim.kz.
Үміткерлер арасынан Мақсат Мәліктің «Абыл мен Қабыл», Қанат Әбілқайырдың «Ағыраптағы аты жоқ адам», Әлібек Байболдың «Мұтылған» романы үздік деп танылып, оқырманға жол тартты.
Қаламгерлерге Жүсіпбек Қорғасбек, Нұржан Қуантайұлы, Дәурен Қуат сынды жазушылар жетекшілік еткен. Авторларға үш ай бойы қаламақы төленген.
Жазушылар «жоба – елдегі әдеби процеске серпін берген бастама» дейді.
Бұған дейін «Жұмбақ кітап», «Ағаш адам» атты әңгімелер жинағым жарық көрді. Ал көлемді шығарманы бірінші рет жазып отырмын. Алғашқы романым деп айтуға толық негіз бар, – дейді жазушы Мақсат Мәлік.
Автордың «Абыл мен Қабыл» романы «Таңсәрі», «Талтүс», «Алагеуім» және «Түн қараңғысы» атты төрт бөлімнен тұрады. Шығармада таңсәріден басталып, түн қараңғысына дейін жалғасқан бір күндік оқиға мен сиам егіздерінің отыз үш жылдық ғұмыры баяндалады.
Фото: Facebook
Байланысты жаналықтар
MalimBlocks
