Әдебиет
Ақын Гүлбақыт Қасенова өлеңдері
Гүлбақыт Қасенова Тоқтанқызы 1975 жылы 18 тамызда Алматы облысы, Панфилов ауданы, Айдарлы ауылында дүниеге келген. І.Жансүгіров атындағы Жетісу мемлекеттік университетінің филология факультінде (1996 ж), Ө.Жолдасбеков атындағы Құқық және экономика академиясының заң факультетінде (2011 ж) білім алған. 1995-2008 жылдары білім саласында, 2008-2015 жылдары Алматы облысының тілдерді дамыту жөніндегі басқармасында жауапты қызметтерде істеді. 2014 жылы «Алуа», 2015 жылы «Бақыт гүлі», 2017 жылы «Құсқанаты» атты жыр жинақтары шықты. Өлең-жырлары «Жетісу антологиясы: Тау мен Өзен жырлары» (2017 ж.), «Алтын тұғыр» (2017 ж., 2018 ж.) жинақтарына енген.
Ақын Сағыныш Намазшамова өлеңдері
Сағыныш Намазшамова 1978 жылы Талдықорған облысы Ақсу ауданы Қосағаш ауылында туған. 1997 жылы әл-Фараби атындағы Қазақ Мемлекеттік университетінің журналистика факультетін, 1999 жылы осы факультеттің магистратурасын бітірген. Қазір Алматы облысы әкімінің баспасөз қызметінде бас маман. Халықаралық «Шабыт» фестивалінің лауреаты. 2007 жылы «Арыс» баспасынан «Бақыттың бағасы» атты жыр жинағы жарық көрді.
Ақын Қалмаханбет Мұқаметқали өлеңдері
Ақын Қалмаханбет Мұқаметқали Семей облысы, Шұбартау ауданы, Қосағаш ауылында 1975 жылы дүние есігін ашқан. Республикалық Серік Томанов атындағы, Нұрлан Мәукенұлы атындағы, Жұмекен Нәжімеденов атындағы, Нұрмолда Алдабергенов атындағы және «Баянауыл басынан...» және «Аңыздар елі, абыздар елі Аякөз» атты жыр мүшәйраларының, сондай-ақ, «Нұр Отан» партиясы, «Зерде» қоры өткізген мүшәйралардың жүлдегері. Талдықорған қалалық газетінде бас редактордың орынбасары және республикалық «Алтын Орда» газетінде бас редактордың орынбасары, «Дала мен Қала» апталығында бөлім редакторы және «Қазақ әдебиеті» газетінің жас қаламгерлерге арналған «Жас қалам» қосымшасының редакторы болып еңбек еткен. «Гүл» лирикалық жинағы және балаларға арналған «Күлкі мен Түлкі» атты кітаптары жарық көрген.
Ақын Әділ Ботпанов өлеңдері
Әділ Ботпанов (1969-1996) – қазақ әдебиетіне сексенінші жылдардың аяғы, тоқсаныншы жылдардың басында келген толқынның өкілі. Ауыз әдебиетінің уызына жарып өсіп, әлем әдебиетінің қайнарына тұмсық малып ішкен оның өлеңдері бірден-ақ әдеби қауымның назарына іліккен-ді. Өз буынының басы, Алматыдағы бейресми «Жұматай қағанатының» ең жас нояны болған Әділ 1990 жылы ҚазМУ-дың филология факультетіне түсіп, бірер жылдан соң оны аяқтамай-ақ өзінің кіндік қаны тамған Қызылордасына оралды. Сондағы қалалық «Ақмешіт апталығы», «Қоғам ТВ» телеарнасында еңбек етті. Сөйтіп жүргенде 28 жасқа толар шағында ұшты-күйлі жоғалып кетті. Ақынның достары оның "Өмірзая" атты кітабын шығарды.
Ақын Серік Боқан дүниеден өтті
Секеңнің өлеңдері тосыннан құйылатын жолдарымен қуатты, шынайы болатын. «Дүниеге шарап болып жұтылып, Құлап қалған бөтелкедей бос қалдық» деп жырлаған еді сонау 2000 жылдары жазған бір жырында. «Тереземде тұрған жалғыз гүл едің, Мені өлді деп шығып кеттің, тірі едім...» деп екі айырылысқан ғашығына арзу хат жазған-тын. «Көктемнің келуі – бір үлкен оқиға» дейді тағы бір өлеңінде. Ол үшін әр сәт оқиға, әр күні оқиғалар тізбегімен өтетін.
Мархабат Байғұттың әңгімесі
Мархабат Байғұт (1945-2022) – 1945 жылғы 25 мамырда Оңтүстік Қазақстан облысы Түлкібас ауданының Пістелі ауылында туған. Жазушы 2022 жылдың 26 қарашасында Шымкент қаласында дүниеден озды. Халықаралық «Алаш» әдеби сыйлығының иегері.
Ақын Роза Сейілханның өлеңдері
Роза Сейілхан 1972 жылы 25 cәуірде Алматы облысы, Жамбыл ауданы, Жамбыл ауылында дүниеге келген. Республикалық жыр мүшәйраларының жүлдегері және 2003 жылы Астана қаласында өткен Халықаралық «Шабыт» жастар фестивалінің лауреаты.
Ақын Жанар Әбсадықтың өлеңдері
Жанар Әбсадық 1981 жылы 12 қаңтарда Қызылорда облысы, Шиелі ауданында дүниеге келген. Әл-Фараби атындағы ҚазҰУ-нің журналистика факультетінің 1998-2002 жылғы түлегі. Бірнеше жыр мүшәйраларының жүлделі жеңімпазы. Өлеңдері республикалық басылымдарда жарияланып тұрады. Бір топ өлеңдері «Жас толқын» жас ақындар антологиясында жарық көрген.
Ақын Әлібек Шегебайдың өлеңдері
Әлібек Шегебай, Оңтүстік Қазақстан облысы, Шардара ауданы, Сүткент ауылында дүниеге келген. Республикалық «Жалын» журналында жарық көрген өлеңдер топтамасына Т.Айбергенов атындағы сыйлық берілді. 2002 жылғы Астана қаласында өткен Халықаралық «Шабыт» фестивалінің лауреаты. Шығармашылықтағы жетістіктері үшін 2004 жылы Қазақстан Жастар одағының «Серпер» сыйлығының лауреаты атанды. 2002 жылдан Қазақстан Жазушылар Одағының мүшесі. Бірнеше жыр жинақтарына өлеңдері енген. «Алакеуім», «Әйнекке түскен Ай сәуле», «Ақ қауырсын» атты жыр кітаптарының авторы.
Оралхан Бөкейдің әңгімелері
Қазақтың біртуар жазушысы Оралхан Бөкейдің әңгімелерінің сарыны бөлек. «Қара сөзбен жырлаған» қалемгер. Шағын әңгімелері екпінді иірімімен, бай тілімен, сюжеттік құрылымының өзгешелігімен құнды. Жазушының қай сығармасын оқысаңыз да, ауыр ой тастайды. «Ардақ» әңгімесі жазушының лиризмге бай туындыларының бірі.
ЖАН УІЛІН ЖАЗҒАН ШАЙЫР
Жаңа стиль қажеттіліктен туындайды. Айналаңызға қараңызшы, форма да, мазмұн да өзгерген. Ендеше, әдебиеттегі стильдің жаңармауы мүмкін емес. Қасиетті қара өлең «күпі» кимеуі керек, оған шекпен де сән бола бермейді…
Ақын Гүлманат Әуелханның өлеңдері
Гүлманат Әуелхан - 1980жылы ҚХРдің Тарбағатай аймағы, Толы ауданында дүниеге келген.2004 жылы Атажұртқа оралған. «Жас толқын», «Қоштасқым келмейі», «Алатау жырлайды», « Сезім тамшылыры» жыр жинақтарына және Қазақ поэзиясының антологиясына өлеңдері енген. Республикалық бірнеше жыр мүшайраларының жүлдегері. Халықаралық «Шабыт» фестивалінің дипломанты. Республикалық «Сын» журналында қызмет атқарған. Қазіргі кезде Шығыс Қазақстан облысы, Тарбағатай аудандық білім бөліміне қарасты «Темірқазық» ақындар мектебінде жетекші болып жұмыс атқарады. «Жүз өлең» атты жыр жинақтарының авторы.
