Қыркүйектің үшінші жексенбісі Алматыда Қала күні мерекеленеді. Биыл мерекеге орай балаларға да, ересектерге де қызықты болатын 150-ден астам әртүрлі форматтағы іс-шара жоспарланған. Бүгінгі шаралар «Алма Fest» мерекелік фестивалінен басталады, деп хабарлайды Malim.kz.
Сондай-ақ, «Алматы – біздің ортақ үйіміз» отбасылық фестивалі, қуыршақтардың мерекелік шеруі мен «Қуыршақ жасау» шеберлік сағаттары және басқа да шаралар ұйымдастырылады.
Қала әкімдігінің мәліметінше, олардың басым дені халыққа тегін ұйымдастырылады. Тек театрларда, Шапито циркінде немесе жабық ғимараттарда өтетін қойылымдарға билет алу қажет.
Шаралардың толық тізімімен мына сілтемеде танысуға болады.
Фото: gov.kz
