Астанадағы Орталық мешіт әкімшілігі жұма намазына дейін екі жігіттің арасында жанжал шыққанын хабарлады, - деп хабарлайды Мalim.kz тілшісі Ulysmedia.kz-ке сілтеме жасап.
Мешіт қызметкерлерінің айтуынша, 9 мамырда жұма намазының алдында намаз қатарындағы орынға байланысты екі жігіттің арасында түсініспеушілік туындаған.
"Жұма намазына келген екі жігіттің арасында отыру орнына байланысты келіспеушілік болды. Оқиға орнына дереу мешіт қызметкері барып, оларды сабырға шақырып, жағдайды реттеді. Жақында ғана ислам құндылықтарына бет бұрған бұл жастарға ислам — бейбітшілік діні екенін, ал мешіт — Жер бетіндегі Алланың үйі, құлшылық орны екенін, онда дау-дамай мен жанжалға орын жоқ екенін түсіндірілді", – делінген хабарламада.
Фото: Видео кадры
