Балқашта Әлімжанов және Калмыков көшелерінің қиылысындағы құбырларды жөндеу кезінде үш адамның мүрдесі табылды.
Бірнеше жыл бойы жатып қалған мүрделердің қаңқасы ғана қалған.
Мүрденің бірін тапқан жұмысшылар полицияға хабар береді. Оқиға орнын ары қарай зерттеу кезінде тағы екі мүрде шықты.
- Сарапшылардың алдын ала шығарған қорытындысы бойынша мәйіттің үшеуі де бірнеше жыл бойы құбырда жатып қалған, - деп хабарлады Балқаш полиция бөлімінің басшысы Айткен Қадрин.
Қазір соңғы бірнеше жылда хабар-ошарсыз жоғалып кеткен адамдар бойынша істер қаралып жатыр.
Шартты сурет: vzsar.ru
