Бүгін Астанадағы қылмыстық істер жөніндегі мамандандырылған ауданаралық сотында Қуандық Бишімбаевтың ісі бойынша кезекті сот отырысы өтті. Прокурорлардың айыптау актісінен соң экс-министр Қуандық Бишімбаев әйелі Салтанат Нүкенованы «аса қатігездікпен өлтірді» деген айыбымен тағы да келіспеді.
Судьяның тағылған айыппен келісесіз бе деген сұрағына «мойындамаймын» деп жауап берді:
- Менің айтарым бар, осы кезге дейін өз оқиғамды айтуға мүмкіндік болмады. Тергеу кезінде де – ешқайда, мүлдем. Қазір прокурор оқыған айыптың көбісі ойдан шығарылған. Ешқандай дәлел де, куәгер де жоқ. Сондықтан қайталап айтамын, 110-бап бойынша: менің тарапымнан ондай қылмыс жасалмады. Мен бұл кінәні мойындамаймын.
- Жарайды. Бұл пунк бойынша кінәні толығымен мойындамайсыз. Келесі Қылмыстық Кодекстің 99-бап бойынша айыпты ше?
Осы сияқты мәлімдемені осы пункт бойынша да жасаймын.
- Айыпты толығымен мойындамайсыз...
- Айыпты толығымен емес, мен аса қатігездікпен қасақана кісі өлтірмедім. Егер маған мүмкіндік берілсе, жағдайды түсіндіретін едім.
- Иә, сізге ондай мүмкіндік беріледі.
Келесі сот отырысы 29 наурыз күні сағат 10:00-де өтеді.
Айта кетейік, Қуандық Бишімбаевтың ісі бойынша сот отырысынан онлайн-трансляция ұйымдастырылады. Істі 5 мыңнан астан қазақстандық көріп отырды.
