Ол «Аqjaiyq» ӘКК» АҚ Басқарма төрағасының бірінші орынбасарына және оның сенім білдірген адамдарымен жұмысты нақты орындамаса да, өтеулі қызметтер көрсетудің жалған шарттарын жасасу туралы заңсыз нұсқау беру арқылы лауазымдық өкілеттіктерін теріс пайдаланды деп күдіктенеді. Заңсыз әрекеттердің нәтижесінде мемлекетке айтарлықтай зиян келтірілді,- делінген тараған ақпаратта. Алайда қанша сома көлемінде зиян келтірілгені көрсетілмеген. Антикор күдіктіні процессуалдық ұстау кінәні толық мойындауға байланысты қолданылмағанын, қылмыстық іс жеделдетілген тәртіппен аяқталып, сотқа жолданғанын айтты.
Осыдан бірнеше күн бұрын Ержан Балтаевты Антикор тергеді деген ақпарат тарағанда бұл ақпаратты құзырлы мекеме теріске шығарған еді. Бірақ бір апта өткеннен кейін Ержан Балтаев алты айға жуық атқарған орынбасарлық қызметінен босатылды.
Балтаев премьер-министрдің экс-орынбасары Алтай Көлгіновтың командасынан деген ел арасында сөз бар.
