Денсаулық сақтау министрі Алексей Цойдан тілшілер қазақстандық QazVac вакцинасын салдырған соң тікелей эфирде журналистердің сұрағына жауап берді. Цойдан тілшілер Елжан Біртановты жұмысқа алатынын-алмайтынын сұрады.
"Сот Елжан Біртановқа жұмыс істеуге рұқсат етті. Оны министрлікке немесе жедел жәрдемге жұмысқа аласыздар ма?" деген сұраққа Алексей Цой былай деп жауап берді: "Қазіргі кезде ондай ақпарат алдық. Біздің білуімізше, ол коммерциялық құрылымда жұмыс істейді".
Алайда Цой бұл неғылған "коммерциялық құрылым" екенін ашып айтпады.
21 сәуір күні Біртановтың бұлтартпау шарасын қараған сот үйқамақ мерзімін ұзартты. Бірақ оған үйден шығуға және жұмыс істеуге рұқсат етілді.
