Маңғыстау облысына мұғалімдер тапшы
Қазір конкурс жарияланғанып, үміткер мұғалімдерден құжат қабылдау жүріп жатыр
Маңғыстау облысына мұғалімдер тапшы. Жетіспеушілікті азайту үшін басқа өңірлерден ұстаздар шақырылып жатыр.
Білім басқармасының мәліметінше, алдымен облысқа келіп, жұмыс істеуге ниет білдіргендер іріктеледі. Яғни арнайы комиссия құрылып, үздіктер таңдалып алынады. Қазір конкурс жарияланғанып, үміткер мұғалімдерден құжат қабылдау жүріп жатыр. Әзірге 13 өтініш келіп түскен.
Педагогтер де оқушылар сияқты тест тапсырып, эссе жазады. Соңғы шешім әңгімелесуден кейін қабылданады. Таңдаудан өткендер өңірде жайлы жүмыс істеу үшін үй-жаймен, толымды айлықпен қамтамасыз етіледі. Ресми мәлімет бойынша Маңғыстау облысында 229 мұғалім жетіспейді. Әсіресе орыс тілін оқытатын ұстаз тапшы.
Бұл конкурсқа еліміздің барлық аймағындағы жоғары білімі бар педагог-сарапшы, педагог-зертеуші, біліктілігі бар, педагогика мамандығы бойынша аяқтаған жоғары білім беру ұйымдарының түлектері қатыса алады. Арнайы пакетте яғни, Маңғыстау облысына келген кезде ауылдық мектепке Ақтау қаласы, Шетпе ауылы, Бейнеу ауылы секілді тұрғын үйдің ақысы да енгізілген. Облыстық білім басқармасы басшылығы осындай мәлімет таратып отыр.
