Қазақстанда мемлекеттік сервистердің бірқатары уақытша қолжетімсіз болады. Бұл туралы 18 шілдеде “Ұлттық ақпараттық технологиялар” АҚ мәлімдеді, деп хабарлайды Malim.kz.
Мәлімет eGov.kz-тің Instagram желісіндегі ресми парақшасында жарияланды.
Ведомствоның мәліметінше, 18 шілде сағат 21:00-ден 19 шілде сағат 08:00-ге дейін жоспарлы техникалық жұмыстар жүргізіледі. Осыған байланысты “Ұлттық ақпараттық технологиялар” АҚ сүйемелдейтін жобалардың жұмысы уақытша шектелуі мүмкін.
Компания азаматтарға қолайсыздықтардың алдын алу үшін барлық қажетті операцияларды техникалық жұмыстар басталғанға дейін аяқтауға кеңес берді.
ҰАТ өкілдері уақытша қолайсыздықтар үшін кешірім сұрап, тұрғындарға түсіністік танытқаны үшін алғыс білдірді.
