Қазақстандық танымал әнші Ерке Есмахан күйеуі RaiM-мен және екі ұлымен бірге шыршаның жанында түскен суреттерін жариялады, деп хабарлайды Malim.kz.
Аман-есен жаңа 2025 жылды бастап кеттік. Құтты болсын! Әрқайсысыңызға денсаулық, бақыт, байлық, махаббат тілейміз. Бақтарыңыз еселенсін! Еліміз аман, жеріміз тыныш, халқымыз бейбіт өмір сүрсін. Барлық арманыңыз орындалсын.
Ізгі тілекпен: Раймбектің отбасы, - делінген мәліметте.
Оқырман қауым өнерлі отбасына ізгі тілектерін жеткізген.
«Райымбектің басын төрге отырғызатын бәйбішесі боп жүре бер», «Балалар қандай бақытты, ата-аналары да бақытты, көз тоятын, көңіл тоятын, үлгі аларлықтай отбасы, көз тимесін! Аман-есен қолға алып, Ислам сияқты тез-тез өсіп кетсін!», «Бақыт, мейірім, сәттілік жолдас болсын! Әрқашан өмірлеріңіз осындай әдемі, шуақты, керемет болсын!» - деп жазды көпшілік.
Фото: instagram.com/erke_esmahan
