Қарағанды облысында ұзақ уақыттан бері пайдаланылмай жатқан 12 мың гектар жер мемлекетке қайтарылды, деп хабарлайды Malim.kz.
Ауыл шаруашылығы министрлігінің мәлімдеуінше, Қарағанды облысының Жер ресурстарын басқару департаменті «Қ» ЖШС-не қатысты жүргізілген тексеру барысында Бұқар жырау ауданында жалпы ауданы 12 049,0 га болатын 15 жер учаскесінің ұзақ уақыт пайдаланылмай жатқаны анықталған.
Жер кодексінің 92 бабына сәйкес департамент аталған ЖШС-ға бір жыл мерзімінде заңбұзушылықтарды жою туралы нұсқама жолдаған. Аталған нұсқаманың орындалмауына байланысты Кодекстің 94 бабына сәйкес департамент жер аумақтарын мәжбүрлеп алып қою туралы сотқа талап арыз берді, деп жазылған минимстрлік мәлімдемесінде.
Қарағанды облысының Мамандандырылған ауданаралық экономикалық сотының 2024 жылғы 3 шілдедегі шешімімен департаменттің талап арызы қанағаттандырылған.
Фото: wiktionary.org
Байланысты жаналықтар
MalimBlocks
