Аса ірі мөлшерде қаржы жымқырған адам Түркиядан экстрадицияланды
27 миллион теңгеге жуық ақшаны заңсыз иемденген
Түркиядан бөтеннің мүлкі аса ірі мөлшерде иемденгені үшін күдікті экстрадицияланды. Бұл туралы Бас прокуратура мәлімдеді.
Азаматты ұстау үшін Қазақстанның Бас прокуратурасы және Ішкі істер министрлігінің Интерпол қызметкерлері, Қазақстанның Түркиядағы Елшілігі бірлескен.
«Күдікті 2022-2023 жылдар аралығында Алматыдағы коммерциялық ұйымның бухгалтері бола отырып, төлем тапсырмаларына жалған мәліметтер енгізу арқылы өзіне сеніп тапсырылған 27 миллион теңгеге жуық ақшалай қаражатын заңсыз иемденген. Қылмыс жасағаннан кейін күдікті жасырынған, осыған байланысты оған халықаралық іздеу жарияланды», - делінген хабарламада.
Биыл тамызда ол Түркия аумағында ұсталып, содан кейін Қазақстан Бас прокуратурасының сұрауы бойынша қазақстандық құқық қорғау органдарына берілген.
«Қазіргі уақытта аталған адам Астананың тергеу изоляторында. Аталған қылмысты жасағаны үшін мүлкі тәркіленіп, жеті жылдан он екі жылға дейінгі мерзімге бас бостандығынан айыру жазасы қарастырылған».
Фото: Halyq Uni
MalimBlocks
