Танымал әнші Мақпал Жүнісова Батыс Қазақстан облысы Қазталов ауданы Қараөзен ауылының 60 жылдығына арналған мерекелік шараға қатысты, деп хабарлайды Malim.kz.
Өнер иесі өңір тұрғындарының қонақжайлығына ризашылығын білдірді. Концерт алдында Қараөзен ауылына іргелес жатқан Жалпақтал кентінде белгілі композитор, өнер жанашыры Баян Қабиеваның дастарханынан дәм татқан әнші ел алдында "тамаққа тойып алғанын" айтып, бұған қатысты әзілге де жауап берді.
“Тойып алдық” дегенге басқа нәрсе деп ойлап қалмаңдар. Тұзымыз жеңіл адамдармыз. Өмір бақи онымен айналыспасақ та, солай атымыз шығып кетті. Біздің бәрі көрініп тұрады ғой. Сондықтан мен оған қатты қайғырып жүрген жоқпын. Айтқан адам айта берсін. Өзім аман болсам болды", – деді Мақпал Жүнісова.
