Алматыда 7 жасар қыз жантүршігерлік жол апатынан қаза тапты: жүк көлігінің жүргізушісі ұсталды
Алматыда 7 жасар қызды жаяу жүргіншілер өткелінде қағып кеткен жүк көлігінің жүргізушісі ұсталды
Алматыда 7 жасар қызды жаяу жүргіншілер өткелінде қағып кеткен жүк көлігінің жүргізушісі ұсталды, - деп хабарлайды Malim.kz тілшісі.
Бұл туралы Алматы қаласы полиция департаменті мәлімдеді.
"ҚР Қылмыстық-процестік кодексінің 128-бабына сәйкес, жүк көлігінің жүргізушісі уақытша ұстау изоляторына қамалды", – деп хабарлады Алматы қаласы полиция департаменті өкілдері.
Кеше Қарасу шағынауданында жүк көлігі жаяу жүргіншілер өткелінен өтіп бара жатқан 7 жасар қызды қағып кетті, ол оқиға орнында көз жұмды. Оқиға орнынан түсірілген қорқынышты кадрлар әлеуметтік желілерде тарады.
Полицияның мәліметінше, Renault жүк көлігінің жүргізушісі Бурундайская көшесімен батыс бағытта қозғалып келе жатып, Новая көшесімен қиылыста баланы қағып кеткен. Қыз оқиға орнында қаза тапқан. Адам өліміне әкелген жол-көлік оқиғасы дерегі бойынша Алматы ПД тергеу басқармасы қылмыстық іс қозғады.
Фото: Видеодан алынған кадр
