Алматы облысында Заманбек Нұрқаділовтің ескерткіш-бюсті ашылды

Сонымен қатар балалар өнер мектебіне Заманбек Нұрқаділовтің есімі берілді.

Сабина Асқарқызы

  • 02.12.2024

Алматы облысы Кеген ауданының орталығында мемлекет және қоғам қайраткері Заманбек Нұрқаділовке арналған ескерткіш-бюсттің ашылу салтанаты өтті, деп хабарлайды Malim.kz.

Облыстық әкімдік мәліметінше, бұл іс-шара мемлекет басшысы Қасым-Жомарт Тоқаевтың тапсырмасы аясында жүзеге асырылды. Сонымен қатар, Кеген ауылындағы балалар өнер мектебіне Заманбек Нұрқаділовтің есімі берілді.

Ескерткіштің ашылу рәсімі Заманбек Нұрқаділов атындағы өнер мектебінің алаңында ұйымдастырылды. Салтанатты шараға мемлекет және қоғам қайраткерлері, ақын-жазушылар, танымал тұлғалар мен қайраткердің отбасы мүшелері қатысты. Ескерткіштің ашылуын облыс әкімінің орынбасары Нұржан Құдайбергенов, қоғам қайраткерлері Тоққожа Естенов пен Болат Нұрғазиев ашып, Заманбек Нұрқаділовтің ұлы Қайрат Нұрқаділов бюстің ашылу рәсімін орындады.

Облыс әкімінің орынбасары өз сөзінде қайраткердің ел дамуына қосқан зор үлесін атап өтіп, оның еңбегінің ұлт тарихында мәңгі сақталатынын жеткізді:

Бұл ескерткіш – халқымыздың қайраткерге деген шынайы құрметінің белгісі. Ұлт жанашыры ретінде Заманбек Нұрқаділов ел егемендігінің нығаюына елеулі үлес қосты. Осындай тұлғалардың еңбегін ұрпаққа мұра ету – біздің ортақ парызымыз. Сондай-ақ, биіктігі 4,5 метр болатын бұл туындының авторлары Айдос Бүркітбаев пен Тимур Нұрмұхаметовке алғысымызды білдіреміз.

Салтанатты рәсімнен кейін қатысушыларға Заманбек Нұрқаділовтің өмірі мен қызметі туралы «Не только о себе» атты кітаптың 300 данасы таратылды.

Фото: Алматы облыстық әкімдігі

Байланысты жаналықтар

Алматыда Владимир Жириновскийдің 80 жылдығына орай ескерткіші орнатылуы мүмкін

11.03.2025

Қыдырәлі Болманов марқұм Заманбек Нұрқаділовтің жақсылығын еске алды

06.03.2025

Алматы облысында 90 мың гектар мемлекетке қайтарылды

11.02.2025

Дос Көшім. Қазақстан Үкіметі 30 жыл бойы ауысқан жоқ

18.01.2025

Алматыда Ермек Серкебаевтың ескерткіші ашылды

16.01.2025

Нұрқаділовтің қызы мені пышақтап кетті - Мақпал Жүнісова

09.12.2024
MalimBlocks
Алматыда Владимир Жириновскийдің 80 жылдығына орай ескерткіші орнатылуы мүмкін

Қыдырәлі Болманов марқұм Заманбек Нұрқаділовтің жақсылығын еске алды

Өнер иесі: Әппақ ниетін ешқашан ұмытпаймын

Алматы облысында 90 мың гектар мемлекетке қайтарылды

Дос Көшім. Қазақстан Үкіметі 30 жыл бойы ауысқан жоқ

Олар жүйеге емес, Назарбаевқа, оның қызы Дәриға Назарбаеваға, күйеу баласына қарсы шықты.

Алматыда Ермек Серкебаевтың ескерткіші ашылды

Ермек Серкебаевтың бейнесін қоладан сомдаған мүсіншілер – Айдос Бүркітбаев, Тимур Ермұхаметов, Ақылбек Орманбеков және Қуаныш Асылбай.

Нұрқаділовтің қызы мені пышақтап кетті - Мақпал Жүнісова

Өнер иесінің айтуынша, тамырдың жанынан кескен, тыртық қалған