Әскерге шақырылушыларды көшеден күштеп әкетіп жатыр
Шымкент қаласында көктемгі әскерге шақыру науқаны үлкен дауға ұласты. Себебі қалада жастарды әскерге күштеп алып кету фактілері тіркеліп отыр, деп хабарлайды Malim.kz HALYQSTAN Telegram-арнасына сілтеме жасап.
Әлеуметтік желіде тараған видеолардан бірнеше жас жігіттің көшеде және базар маңында ұсталып, күшпен жеңіл көліктерге отырғызылып жатқаны көрінеді. Бұл әрекеттер жергілікті халықтың ашу-ызасын тудырды.
Тұрғындар бұл әдістерді заңсыз деп санап, жергілікті әскери комиссариаттың жұмысын сынға алды.
Бұл жағдайға байланысты Шымкент қаласының Қорғаныс істері жөніндегі департаменті түсініктеме берді.
Департамент басшысы Әбдігабит Шегебаевтың айтуынша, әскерге шақыру науқанын өткізу тәртібі әкімдік қаулысымен бекітілген, ал рейдтер осы құжат аясында жүргізіледі.
Алайда қоғам белсенділері мен заңгерлер бұл жағдайдың адам құқығы мен бостандығына қайшы екенін айтып, ресми органдардан түсіндіруді және әділ тергеу жүргізуді талап етуде.
Осы жағдайдан кейін Шымкенттегі әскерге шақыру науқаны қоғам назарында қалары анық.
Фото: видеодан кадр
Самое читаемое
