«Дәлелдер бар»: ҰҚК Бишімбаевтың телефонының құпиясөзін аша алмаған
Адвокат телефонда «аса қатігездікпен адам өлтіру» мен «азаптау» туралы айыптарды жоққа шығаратын дәлелдер бар екенін жеткізді.
Бүгін Астанада экс-министр Қуандық Бишімбаев пен оның інісі Бақытжан Байжановқа қатысты сот отырысы жалғасты. Қорғаушы тараптың адвокаты Ерлан Ғазымжанов Қуандық Бишімбаевтың телефонының құпия кодын судьяға беруге қарсы екенін айтты, деп хабарлайды Malim.kz.
Ол телефонда «аса қатігездікпен адам өлтіру» мен «азаптау» туралы айыптарды жоққа шығаратын дәлелдер бар екенін жеткізді.
Ұялы телефон заттай дәлел ретінде танылды. Сотқа дейінгі тергеу барысында ҚР ҰҚК бесінші қызметінің 12-ші департаменті телефонға зерттеу жүргізді. Телефонда 6 таңбалы код пароль орнатылған әрі код-парольді қолда бар техникалық құралдармен айналып өту мүмкін болмады деген қорытынды берілді, - деді судья Айжан Құлбаева сот отырысында.
Бұған дейін Бишімбаев телефонының құпиясөзін тек қорғаушыларына ғана айтамын деп судьяға қарсы шыққан еді.
Сот телефонды Бишімбаевтың өзі ашып берейін десе, оған мүмкіндік бермей отыр. Біз телефонды соттың қолына берсек, оның ішіндегі материалдар өзгеріп кете ме деп қауіптенеміз. Осыған байланысты Қуандық Бишімбаев телефонын өзі ашып берсін, соған рұқсат беруіңізді сұраймыз. Материалдар зерттелген соң біз сотқа құпия сөзін айта аламыз, - деді адвокат.
Судья Ғазымжановтың өтінішін қанағаттандырмады.
Фото: Жоғарғы сот
Байланысты жаналықтар
MalimBlocks
