Халық тапқан-таянғанының жартысын тамаққа жұмсайтыны рас па? - Жұманғариннің жауабы
"Біз ақшаны тек тұтынушылық шығынға жұмсамаймыз" деді ол.
Премьер-министрдің орынбасары Серік Жұманғарин халықтың азық-түлікке табысының қанша бөлігін жұмсайтынына байланысты мәлімдеме жасады. Айтуынша, “табыстың жартысын азық-түлікке жұмсаймыз” деп айтылып жүрген пікір шындыққа жанаспайды екен.
«Тұтынушылық шығынның 50 пайызы азық-түлікке кетеді. Оны біз жасамаймыз, мойындаймыз. Тұтынушылық шығындар тапқан табысымыздың 50 пайызы. Біз ақшаны тек тұтынушылық шығынға жұмсамаймыз. Несие төлейміз, бала-шаға бар. Қазіргі уақытта табысымыздың 22.2 пайызын азық-түлікке жұмсаймыз» деді Жұманғарин.
Фото: kapital.kz
