Өзбекстанда президентке интернет немесе телекоммуникация жүйесінде жала жапқан немесе қорлағандарға қылмыстық жаза тағайындалды. Бұл хабарды Nuz.kz сайты таратты.
Ел президенті Шавкат Мирзиеев елдің Қылмыстық кодексіне енген толықтыруға қол қойып та үлгерген.
Сонымен, Өзбекстанның жаңа толықтырылған қылмыстық кодексі бойынша, ел президентіне қатысты интернетте артық сөз айтқандар 3 жылға дейін мәжбүрлі түзету жұмысына шегілмек немесе 2 жылдан 5 жылға бас бостандығы шектелмек. Тіпті болмаса, 5 жыл бас бостандығынан айырылмақ.
Бір айта кетерлігі президентке жала жабу не қаралау жазасы бұрын да болған. Бірақ, ол бұқаралық ақпарат құралдарына ғана қатысты еді. Енді міне, өзбекбашыға қатысты интернетте де артық гәпіруге болмайды.
ОҚИ ОТЫРЫҢЫЗДАР: Ташкентті жүгіріп өткенде
