«Әділетті Қазақстан орнатуды қашанға жоспарлап отырсыздар?»: Депутат Р.Зайытов құқық қорғау жүйесін сынады  

Бүгін Мәжіліс отырысында депутат Ринат Зайытов құқық қорғау органдарынан  әділетті Қазақстан қашан орнайтынын сұрады. 

«Бұл мәселені айтататын басқа жерім жоқ. Сондықтан айтуға мәжбүрмін. Ішкі істер министрлігі, Бас прокуратура, Жоғарғы соттың өкілдеріне. Президенттің «Әділетті Қазақстан» деген халыққа үміт берген бір сөзі бар. Қазір Қазақстанда кез келген адамды көшеден алып кетіп, қамай алатын Ішкі істер министрлігі бар. Оған жоқ жерден айып тағатын прокуратура бар. Оған шешім шығара салатын сот бар. Осыған байланысты сұрақ - әділетті Қазақстан орнатуды қашан орнатайын деп отырсыздар», - деді Ринат Зайытов Мәжілістің жалпы отырысында.

Сұраққа Әділет министрі Азамат Есқараев жауап берді.

«Мемлекеттік органдармен қайта пысықтап, сіздің сұрағыңызға жауап берейік. Сұрағыңыз орынды», - деді ведомство басшысы.