Қазақстанның бұрынғы президенті Нұрсұлтан Назарбаев Қазақстан халқы ассамблеясының төрағасы өкілетін президент Қасым-Жомарт Тоқаевқа өткізіп берді. Өкілетті қабылдап алған Тоқаев бұрынғы президентке "ассамблеяның құрметті төрағасы" болуды ұсынды. Н.Назарбаев бұл ұсынысты қабыл алды.
Бүгін Қазақстан халқы ассамблеясының сессиясында Н.Назарбаев былай деді:" 30 жыл жұмыс істеп 2019 жылдың 19 наурызында президент өкілеттілігін тоқтаттым. Бұл жеткілікті мерзім, ел басшылығы ауысып, жаңа адамдар келіп, жаңа мақсат-міндет қоюы керек деп есептедім. Билікті ауыстыру мәселесі 2019 жылы конституциялық жолмен шешілді. Өзім жақсы білетін, көп жыл бойы менімен бірге жұмыс істеген адамды таңдадым. Бүгін осымен тоқтап қалмай, ары қарай жылжығым келеді. Бұл да мен үшін маңызды қадам, өйткені 1995 жылдан бері Қазақстан халқы ассамблеясы басында болдым, үлкен жолды жүріп өттім".
Н.Назарбаев "Ұлт көшбасшысы" мен ассамблея туралы заңға сәйкес, Қазақстан халқы ассамблеясын өмір бойы басқара алады. Бірақ бүгінгі сессияда Н.Назарбаев бұл өкілеттілікті Қ.Тоқаевқа берді. Онысын "барлық мәселе бір қолда болуы керек" деп түсіндірді.
"Мемлекет басшысы да ассамблеяға сүйенеді. Барлық мәселе бір қолда болуы керек. Сондықтан ассамблеяны басқару құқығын президент Қасым-Жомарт Тоқаев беремін деп шештім", - деді Н.Назарбаев.
Алайда Н.Назарбаев ассамблеямен жұмысты жалғастыра беретінін айтты.
Ал ассамблея төрағасы өкілетін қабылдап алған Тоқаев экс-президентке Қазақстан халқы ассамблеясының құрметті төрағасы мәртебесін ұсынды. Назарбаев бұл ұсынысты қабыл алыды.
Фото:elbasy.kz
Байланысты жаналықтар
MalimBlocks
