Полиция қуғын-сүргін құрбандарын еске алуға шектеу қойды
Билік 4 миллионнан астам құрбан мен 25 мың атылған боздақтарды мансұқ етті
«31 мамыр» комитетінің белсенділері мәлімдеме жасады. олар полицияның Алматыда саяси қуғын-сүргін құрбандарын еске алу акциясын өткізуге рұқсат етпейтінін, үйден шығуға кедергі жасап отырғанын айтты.
«31 мамыр» комитетінің төрағасы Н.Амреқұловтың айтуынша, Алматы қаласының полиция басқармасы «31 мамыр» ұйымдастыру комитетінің мүшелеріне бірқатар шектеу қойған. Төменде үндеу мәтінін жариялап отырмыз.
Мәлімдейміз:
1) Бұл біздің конституциялық құқығымыз бен бостандығымызды заңсыз бұзу, ашаршылық құрбандарына арналған ескерткішке гүл шоқтарын қою, жалпыхалықтық үнсіздік минутын өткізу ниетімізге кедергі жасау!
2) Мұндай шешім қабылдағандарға моральдық және саяси жауапкершіліктің бүкіл ауыртпалығы түседі! Бүкіл әлем тарихында масқара болды.
3) Ашаршылық, қуғын-сүргін және жер аудару құрбандарын еске алуға деген құқығымыздан айыра отырып, билік бүкіл қазақ халқының, барша Қазақстандықтардың рухына іс жүзінде түкірді! Олар ашаршылық кезіндегі 4 миллионнан астам құрбандарды, ату жазасына кесілген 25 мың Алаш Орда мен депортацияның жаппай құрбандарын еске алу сәтін де аяқ асты етті!
4) Билік тактикалық тұрғыдан жеңгенімен, ең маңыздысы – моральдық стратегиялық жағынан жеңіліске ұшырайды! Бұл сәт халық жадында мәңгі сақталады, Қазақстан тарихының барлық оқулықтарына бас әріптермен жазылады.
5) Дүниежүзілік тәжірибемізде көрсетілгендей, халық қандай да бір жолмен өз мақсатына жетеді, өйткені олар көпшілік қауым және заңды биліктің түпкі қайнар көзі!
6) Барлық БАҚ өкілдерін, блогерлерді, барша Қазақстан азаматтарын үндеуімізді халыққа жеткізуге шақырамыз.
7) Ұйымдастыру комитетінің мүшелерін шектемеуді, еске алу мақсатында үнсіздік сәтін өткізуге, большевиктер озбырлығының құрбандарына құран оқуға және жерлеу рәсімін өткізуге мүмкіндік беруді талап етеміз.
"31 мамыр" ұйымдастыру комитеті
Төрағасы Н.Амрекулов.
