Қазақстанның жері Қытайға сатылып жатыр ма? Министрлік жауабы. 

Бүгін Қазақстан жерінің Қытайға сатылып жатқаны туралы қауесет желіде тарап кетті.  Фейсбукте Ерлан Мазан атты қолданушы дабыл қағып, жазба жариялаған болатын. 

«Ойда-жоқта Қытайдағы жер жалдау сайтына тап болып, таңқалдым. Әлгі Жер кодексі арқылы шетелдіктерге жалға берілмейтін болып шешілген ауылшаруашылық мақсатындағы қазақтың жері ол сайтта арзан бағамен ашық саудаға салынып жатыр. Бұл енді барып тұрған бассыздық қой!» - деп жазды ол. 

Жағымсыз хабардан соң желіде халық шулап кеткен соң Ауыл шаруашылығы министрлігі аталған мәселеге орай мәлімдеме жасады. АШМ баспасөз хатшысы:  «Оттамасын! Алақандай жер болса да шетелдіктерге сатылмайды және жалға да берілмейді! ҚР Жер кодексінің 24-бабына сай Ауыл шаруашылығы мақсатындағы жер учаскелерiн шетелдіктерге беруге қатаң тыйым салынған. Тіпті жерді шетелдіктермен немесе азаматтығы жоқ адамдармен некеде тұрған Қазақстан азаматтарына жер берілмейді!»,- деді.