ІІМ қызметкерлері трансұлттық қылмыстық топтардың 11 мүшесін ұстады.
ІІМ Ұйымдасқан қылмысқа қарсы күрес департаменті Бас прокуратурамен бірлесіп екі трансұлттық қылмыстық топтың жолын кесті. Олар кәсіпкерлерге заңсыз алым салып, өз ұстанымдарын енгізуге әрекеттенген.
ІІМ-нің арнаулы мақсаттағы бөлімшелерінің қатысуымен жүргізілген арнайы операция Алматы, Атырау, Петропавл, Ақтау қалалары мен Жамбыл облысының аумағында өткен. Жедел әрекет кезінде қылмыстық топтардың 11 қатысушысы, соның ішінде қылмыстық текетірестерге тартылған «киллер» құрықталды.
Олардың жүрген жерлері мен тұрғылықты мекенжайларына 25 тінту іс-шарасы жүргізілген. Нәтижесінде атыс қаруының арсеналы, шетел валютасындағы үлкен мөлшердегі ақша, сондай-ақ есірткі тәркіленді.
Ұсталғандарға қатысты «күзетпен ұстау» түріндегі бұлтартпау шарасы таңдалды. Басқа да қылмыскерлерді ұстау және жауапкершілікке тарту шаралары қабылданып жатыр.
Байланысты жаналықтар
MalimBlocks
