Ресей мен Украина Запорожье атом электр станциясы маңында уақытша бітімге келу туралы келісім жасады. Бұл туралы Атом энергиясы жөніндегі халықаралық агенттіктің (МАГАТЭ) бас директоры Рафаэль Гросси мәлімдеді, деп хабарлайды Malim.kz.
Тараптар электр жеткізу желісін жөндеу үшін атысты уақытша тоқтатуға келіскен. Қазіргі таңда жөндеу жұмыстары басталып кеткен. Бітім бірнеше күнге созылады.
«МАГАТЭ тобы жөндеу жұмыстарының барысын бақылап отыр. Бұл жұмыстар әскери қақтығыс жағдайында ядролық апаттың алдын алуға бағытталған тұрақты күш-жігер аясында бірнеше күнге созылады деп күтіледі. Бас директор Рафаэль Гросси екі тарапқа да Запорожье АЭС пен Запорожье жылу электр станциясының қосалқы станциялары арасындағы электр энергиясын беру желісін қалпына келтіру үшін жаңа уақытша “тыныштық терезесіне” келісім бергені үшін алғыс білдірді. Бұл ядролық қауіпсіздікті күшейтеді», – делінген агенттіктің әлеуметтік желідегі хабарламасында.
