WhatsApp Ресей аумағында «террористік әрекеттерді ұйымдастыру және өткізу, алаяқтық және азаматтарға қарсы өзге де қылмыстар» үшін қолданылып отыр, деп хабарлайды Malim.kz. DW-ге сілтеме жасап.
Ведомство мессенджер Ресей заңнамасын бұзуды жалғастырып келе жатқанын айтып, елде толықтай бұғатталуы мүмкін екенін жеткізді.
28 қараша таңында Ресей тұрғындары WhatsApp мессенджерінің жаппай істен шығуы туралы хабарлады. Тамыз айында Роскомнадзор аталған сервистегі қоңырауларды бұғаттаған болатын. Соған қарамастан, WhatsApp-ты Ресейдің жоғары лауазымды тұлғалары белсенді қолдануда, соның ішінде президент көмекшісі Юрий Ушаков та бар.
