«Астана — нашар қала»: Димаштың анасы ресейлік блогерді орнына қойды

Ресейлік блогер Илья Варламовтың еліміздің бас қаласы Астана туралыайтқан пікірі көпшілікке жақпай қалды. Тіпті, халық әртісі Димаш Құдайбергеннің анасы блогердің сөзіне тиісті жауап қайтарған, деп хабарлайды Malim.kz.

Варламовтың айтуынша, Астана өмір сүруге қолайсыз қала.

«Менің ойымша, Астана — нашар қала. Онда өмір сүру қиын. Бұл қала емес, маған ұнамайды. Жайлылық мүлде жоқ, серуендеуге де келмейді. Алғашқы кезден-ақ дұрыс жоспарланбаған. Толығырақ айтудың қажеті жоқ, бұған дейін бұл туралы жазғанмын. Астанаға тек жұмыс бабымен ғана барамын», - деді ол сұхбат барысында.

Блогердің бұл пікірі Димаштың анасы Света Айтбаеваның көңілінен шықпады.

«Сенің пікірің керек еді бізге. Астана өте көркем, әсем қала. Ұнамаса — келме. «Асын ішіп, аяғына түкіру» дейді мұндайды», - деп жазды Света Айтбаева.