IMAGE: inkppl.com
Azattyq.org сайтының желілердегі парақтары және бірнеше интернет-ресурс ресейлік Тимати деген әншінің Қазақстанға келуіне қарсылар туралы жазған.
Әлеуметтік желілерде аталған әншінің қараша айында Астана қаласында концерті болатыны туралы мәлімделген болатын.
Сондай жарнамалық постерлер қазақстандық қолданушылардың наразылығын тудырып отыр. Әншіге тағылған басты айып - оның Ресейдің Украинадағы басқыншылық соғысын қолдауы. Тиматидің Қазақстанға келуіне қарсылардың пікірінше, соғысты айқын түрде қолдаған әншінің көзқарасы Қазақстанның саясатына мүлде қарсы.
Бұған қоса, аталған әншіге Украина тарапынан халықаралық іздеу жарияланғаны белгілі.
Соңғы кездері, соғысты қолдап санкцияға ұшыраған ресейлік тұлғалардың Қазақстанды жағалап кеткені жиі айтылып жүр.
