Мемлекет басшысы Қасым-Жомарт Тоқаев президенттің міндетін атқарушы Хан Док Суға көңіл айту жеделхатын жолдады, деп хабарлайды Malim.kz Ақордаға сілтеме жасап.
Оңтүстік Корея елінде болған алапат өрт салдарынан көптеген адамның қаза тапқаны мен табиғат апатының қоршаған ортаға тигізген зияны туралы суыт хабарды терең күйзеліспен қабылдағанын жеткізді.
Сондай-ақ Қасым-Жомарт Тоқаев Таиландтағы жер сілкінісі салдарынан көптеген адамның қаза табуына байланысты осы елдің Премьер-министрі Пхэтхонгтхан Чинаватқа және жақындарынан айырылған отбасыларға көңіл айтты.
Президент табиғат апаты кезінде жарақаттанғандардың тез арада сауығып, отбасыларына дін аман оралуына тілектестігін білдірді.
Фото: Ақорда
