Белгілі әзілкеш Қажет Смағұл әлеуметтік желідегі парақшасында жеке өміріне қатысты тағы бір жазба жариялап, көпшіліктің талқысына түсті, деп хабарлайды Malim.kz.
Бұған дейін өнер иесі өзінен 25 жас кіші адаммен шаңырақ көтергенін ишаралап жазба қалдырған еді. Ол оқырмандарына әзірге бәрін ашып айтпайтынын жеткізіп, жеке өміріндегі өзгерісті жұмбақ күйінде қалдырған.
"Көп адам сезіп жүрген шығар… Өзімнен 25 жас кіші…. Жүрегім тыныш… Көзім бақытты… Қалғанын кейін айтамын. Әзірге бәрін айтпай-ақ қояйын…" – деп жазған болатын Қажет Смағұл.
Алайда бұл жазба желіде қызу талқыланып, көпшілік екіге бөлінді. Бірі әзілкешті құттықтаса, енді бірі сын пікір жазған. Осыдан кейін Қажет Смағұл өзіне айтылған пікірлерге жауап берді.
Оның айтуынша, көпшілік жазбаны әртүрлі қабылдаған. Әзілкеш бұл тақырыптың желі қолданушылары арасында үлкен дау тудырғанын жасырмады.
"25 жас кіші деп пост салып едім, Қазақстан екіге бөлінді. Жерден алып жерге салып жатқандар да, құттықтап жатқандар да бар. Итальяндық сияқты бай емессің ғой дейтіндер бар. Әйелімнің фотосын саламын ба деп ойлаған едім. Бірақ мынадай негативке ұрынып, көңілі түсіп қала ма деген ой бар", – деді Қажет Смағұл.
Желі қолданушылары әзілкештің бұл мәлімдемесін әлі де қызу талқылап жатыр. Кейбірі оның жеке өміріне араласудың қажеті жоқ десе, енді бірі жас айырмашылығына қатысты өз пікірін білдіруде.
Бұған дейін Асанәлі Әшімовтің жұбайы Бағдат Әшімова әлеуметтік желідегі парақшасында актердің күнделік кітабына қатысты жазба жариялаған еді.
Қажет Смағұл кім?
Қажет Смағұл – қазақстандық актер, әзілкеш әрі көпшілікке экран мен сахна арқылы танылған өнер иесі. Ол көрерменге комедиялық бағыттағы рөлдерімен, жеңіл юморымен және қазақы қалжыңды жеткізу мәнерімен таныс. Қажет Смағұлды көпшілік "Бизнес по-казахски" фильміндегі және өзге де жобалардағы рөлдері арқылы жақсы біледі. Өнер жолында ол әзіл мен актерлікті қатар алып жүріп, көрерменнің ықыласына бөленген. Әзілкеш ретінде Қажет Смағұл тұрмыстық жағдайларды, қоғамдағы түрлі мінез-құлықты және адамдар арасындағы қарым-қатынасты қалжыңмен жеткізе біледі. Оның сахнадағы образы қарапайымдылығымен, еркін сөйлеу мәнерімен және халыққа жақын әзілдерімен ерекшеленеді.
Қажет Смағұл әлеуметтік желіде де белсенді, жеке өмірі мен шығармашылығына қатысты жазбалары жиі талқыланып жатады. 2026 жылы ол өзінен 25 жас кіші жанмен отбасын құрғанын меңзеп, желі қолданушыларының назарын аударды. Бұл жаңалықтан кейін оқырмандар арасында түрлі пікір айтылып, бірі құттықтаса, енді бірі сын көзқарас білдірді. Кейін өнер иесі өзіне айтылған пікірлерге жауап беріп, бұл тақырып қоғамда қызу талқыланғанын айтты. Қажет Смағұл жеке өміріне қатысты әңгімені ашық айтқанымен, жарының суретін жариялауға асықпайтынын жеткізген. Оның айтуынша, желідегі жағымсыз пікірлер жақын адамының көңіліне әсер етуі мүмкін.
Қажет Смағұлдың есімі бүгінде отандық шоу-бизнес пен әзіл сахнасында танымал тұлғалардың қатарында аталады. Ол актерлік қырымен де, әзілкештік болмысымен де өз аудиториясын қалыптастырған. Сондықтан Қажет Смағұл – өнердегі жолын әзіл, кино және әлеуметтік желідегі белсенділігі арқылы жалғастырып жүрген көпшілікке таныс тұлға.
