2025 жылғы шілде айында Алматы қаласында ҚР Ұлттық қауіпсіздік комитеті шетелдік әріптестерімен бірлесіп, Қазақстан азаматын киберқылмыс жасады деген күдікпен ұстады, деп хабарлайды Malim.kz.
Тергеу материалдарына сәйкес, күдікті шетелдік компаниялардың серверлеріне заңсыз кіріп, компьютерлік деректерді шифрлайтын зиянды бағдарламаларды орнатқан. Ол деректерді қалпына келтіру үшін криптовалюта түрінде төлем талап еткен.
Тінту барысында күдіктінің кибершабуылдарды жүзеге асыруда қолданған заттай айғақтар тәркіленді.
Қазіргі уақытта тергеу амалдары жүргізілуде. Қылмыстық-процестік кодекстің 201-бабының 1-бөлігіне сәйкес, өзге ақпараттар жария етілмейді.
Фото: t.me/knbgov_kz
