Қазақстанға танымал америкалық тревел-блогер Коннор келді. Сапар барысында ол Төтенше жағдайлар министрлігінің бөлімшесіне арнайы барып, ведомствоның жұмысымен танысты, деп хабарлайды Malim.kz.
Блогер 23 әмбебап құтқару бөлімінің қызметін көріп, іздестіру-құтқару операцияларында қолданылатын заманауи техника мен жабдықтарға ерекше қызығушылық танытты.
Оған инновациялық үлгілер, соның ішінде Tesla Cybertruck базасындағы техника мен арнайы реанимобиль көрсетілді. Бұл техника төтенше жағдайларда жедел әрекет етуге және адамдардың өмірін сақтап қалуға бағытталған.
"Мұндай кездесулер Қазақстанның халықаралық деңгейдегі тартымдылығын арттырып, әсіресе Алматы қаласында туристер қауіпсіздігінің жоғары деңгейде қамтамасыз етілгенін көрсетеді, - деп жазылған ТЖМ хабарламасында.
