Биыл Қазақстанда 3,5 мыңнан астам интернет-алаяқтық қылмысы ашылды, деп хабарлайды Malim.kz.
Бұл Ішкі істер министрлігі, Ұлттық банк, қаржы ұйымдары мен байланыс операторларының бірлескен жұмысының нәтижесінде мүмкін болды.
Антифрод-орталықтың көмегімен азаматтарға келуі мүмкін қаржылық шығындардың алдын алу шаралары күшейтілді. Нәтижесінде жалпы сомасы 1 млрд теңгеден асатын қаражат бұғатталды.
Сонымен қатар байланыс операторлары 163 млн-нан астам алаяқтық телефон қоңырауын тоқтатты.
Мәдениет және ақпарат министрлігінің «Киберқадағалау» мемлекеттік жүйесі арқылы заңсыз әрекеттерге пайдаланылған 26 мың интернет-ресурс анықталып, олардың жұмысына тосқауыл қойылды.
Бұдан бөлек, заңсыз call-орталықтар мен дропперлік желілердің қызметі тоқтатылды.
