Шымкенттің тұрғындарының, қала азаматтарының өмірін жақсарту, жалпыұлттық бірлікті сақтау мәселесі жиі сөз болады. Үшінші мегаполис тек оңтүстік өңір үшін ғана емес, бүкіл республика бойынша маңызды қала екені дау туғызбайды. Сондықтан, қала экономикасын көтеру, қоғамдық-әлеуметтік жағдайды жақсарта түсу кезек күттірмейді. Бұл жағынан шетелдік мамандар мен алып компаниялар да Шымкент қаласына көп қызығушылық танытады.
Шымкент қаласына Түркиядан іскерлік топ өкілдері келді. Олармен кездескен қала әкімінің орынбасары Ерғали Білісбеков арадағы әріптестікті нығайтып, бірлесе жұмыс істеу мүмкіндіктерін қарастырды. Кездесуге «Yapiray» компаниясының бас директоры Тарык Кынжал мен жетекшілері, сәулетші және дизайнерлер қатысып, ойларын ортаға салды.
Екі жақты қарым-қатынасты нығайту туралы пікір алмасқан отырыста қонақтар «Yapiray» компаниясының жетістіктері, атқарған істері, әлеуетті жобаларымен таныстырвып, қалаға шойын жол және трамвай құрылысы жұмыстарына жүргізуге қатысты ұсыныс айтты.
Әкімнің орынбасары ұсынысты қала әкімі арнайы қарайтынын, қаланың дамуы мен экономикалық жағынан сәйкес келген жағдайда міндетті түрде қолдау көрсететінін айтты. Енді басқарма басшылары түріктердің ұсынысын жан жақты зерттейтін болады.
Байланысты жаналықтар
MalimBlocks
