11 шілдеге қараған түні Испания құрамасы 2026 жылғы футболдан әлем чемпионатының ширек финалында Бельгияны жеңіп, жартылай финалға жолдама алды, деп хабарлайды Malim.kz.
Еске салсақ, бұған дейін плей-офф кезеңінде испаниялықтар Аустрияны 3:0 есебімен ойсырата жеңіп, кейін Португалияны 1:0 есебімен ұтқан болатын.
Ал Бельгия құрамасы Сенегалға қарсы матчта камбэк жасап жеңіске жетсе, одан кейін АҚШ құрамасын ірі есеппен жеңген еді.
Кездесудің 30-минутында испаниялықтар есеп ашты. Фабиан Руис қақпашы қайтарған допты сәтті пайдаланып, гол соқты.
Алайда 41-минутта бельгиялықтар таразы басын теңестірді. Шарль де Кетеларе қапталдан берілген пасты дәл аяқтап, есепті 1:1-ге жеткізді.
Матчтың аяқталуына санаулы минуттар қалғанда, нақтырақ айтқанда 88-минутта қорғаушы Пау Кубарси айып алаңы сыртынан соққы жасады. Бельгия қақпашысы допты қайтара алғанымен, Микель Мерино бірінші болып жетіп, допты қақпа торына тоғыстырды.
Осылайша Испания құрамасы 2026 жылғы әлем чемпионатының жартылай финалына шығып, келесі кезеңде Франция құрамасымен кездесетін болды.
