Еркін күрестен үш дүркін Олимпиада чемпионы Бувайсар Сайтиев 49 жасында дүниеден өтті, деп хабарлайды Malim.kz.
Бұл ақпаратты Ресейдің спорттық күрес федерациясы растады. Марқұм ұзақ уақыт сырқаттанған.
Даңқты спортшы 1996 жылы Атлантада, 2004 жылы Афиныда және 2008 жылы Бейжіңде 74 келі салмақта Олимпиада чемпионы атанды.
Ол сондай-ақ алты дүркін әлем чемпионы, бірнеше рет Ресей чемпионаттарында жеңіске жеткен, 1998 жылы Ізгі ниет ойындарының және 2008 жылғы Әлем кубогының жеңімпазы.
Фото: TOSHIFUMI KITAMURA/AFP via Getty Images
