Кезектен тыс сайлауға 45 млрд теңге жұмсалады
Тоқаев айтқан кезектен тыс сайлауларға үкімет резервінен 45 млрд теңге жұмсалмақ.
Қаржы вице-министрі Татьяна Савельева кезектен тыс президент сайлауына бөлінетін қаржы үкімет резервінен алынатынын айтады. Және ол президент сайлауының 2024 жылға белгіленгені, оған деген қаржының сол жылдың бюджетіне бекітілген дейді. Енді 1 қыркүйектегі президент Қасым-Жомарт Тоқаевтың ұсынысымен, биылғы желтоқсанда өтуі мүмкін. Вице-министр де кезектен тыс сайлау бекітілсе деген сөзге акцент бере сөйледі.
«Енгізілген өзгерістер мен жаңа тапсырмаларды ескере отырып, биыл президент сайлауына үкімет резервінен қаражат бөлінеді. Қазір Орталық сайлау комиссиясы 20 миллиард теңгеге жуық қаражат кететінін есептеп отыр. Президент және парламент сайлауына барлығы 45 млрд теңге жұмсалады», - дейді ол.
Демек, президент сайлауына 20, парламент сайлауына 25 млрд теңге бюджеттен қарастырылады. Министрлкі өкілінің айтуынша бөлінген бюджеттің 90 пайыздайы сайлау комиссиясына беріледі. Яғни, олар соншалық жалақы алады деген сөз. Ол биылғы сайлаудың өтуіне 70 мыңнан астам қатысады деп отыр.
«Алдыңғы сайлауға 65 мың адам қатысқан, ал биыл олардың саны 70 мыңнан асады. Олардың жалақысы ең төменгі жалақыны есепке ала отырып есептеліп отыр. Олардың жалақысын есептеу ең төменгі жалақыға негізделеді. 2019 жылы сайлау өткізгенде 42 500 болса, биыл 60 000 теңге болды. Парламент сайлауына да шамамен осыншама шығын қарастырылған, бірақ келесі жылы ең төменгі жалақы 70 мың теңге болатынын ескерсек, бұл шамамен 25 миллиард теңгені құрайды", - деп мәлімдеді Савельева.
