Қазақстан Үкіметі Ресейдегі Каспий құбыр консорциумы (КҚК) нысанына жасалған шабуылды ерекше бақылауға алды, деп хабарлайды Malim.kz.
«Тек азаматтық маңызды инфрақұрылым нысандарына қатысты мұндай әрекеттер қабылдауға болмайды. КҚК құбыр жүйесі – халықаралық энергетикалық жоба болып табылады, және оның нысандарына жасалған кез келген күш қолдану жаһандық энергетикалық қауіпсіздікке тікелей қауіп төндіреді, сондай-ақ консорциум мүшелерінің, оның ішінде Қазақстан Республикасының экономикалық мүдделеріне елеулі зиян келтіреді.
Теріс салдардың алдын алу және ірі кен орындарында өндіру қарқынын сақтау мақсатында Экономика министрлігі экспорттық мұнай көлемдерін баламалы бағыттарға қайта бағыттау жоспарын жедел түрде іске қосты. Осы жағдай Қазақстан Үкіметінің ерекше бақылауында тұр», – деп хабарлады Қазақстан Энергетика министрлігі.
