Бұл туралы Неміс толқыны - DW хабарлайды.
Қолданушылар Илон Масктың меншігіндегі Grok нейрожелісінің чат-боты арқылы адамдардың жалаңаш, басқа да анайы пошымдағы фотоларын жасау мүмкін екенін хабарлады. ізе-шала Grok нейрожелісін жасаушылар қатесін мойындады. Олар X сервисіндегі парақшасында:
«қауіпсіздік саясатымызда әлсіз тұстар анықталды»
депті.
Пайдалы: таксиден осылай үнемдеуге болады...
Жасанды интеллекттің ашық сипаттағы фотоларды, әсіресе жалаңаш қыздардың фотоларын генерациялауы қоғамда наразылық тудырды. Жаңа жыл қарсаңында Grok чат-боты екі жасөспірім қыздың анайы бейнесін құрастырып, таратқаны үшін кешірім сұраған.
«Бұл қауіпсіздік баптауларындағы ақау болды, келтірілген кез келген зиян үшін кешірім өтінеміз», – деп жазды Grok X желісінде. Кейінірек таратқан хабарламасында мұндай жағдайлар «жекелеген, бірлі-жарым оқиғалар» екенін түсіндірген.
БАҚ деректеріне сүйенсек, дипфейк аталатын жалған контенттен әйелдер де зардап шеккен. Politico мәліметінше, Париж прокуратурасы Grok жасаған анайы дипфейктердің таралуына қатысты қазір тергеу жүргізіп жатыр.
