Мемлекеттен төлем алатын азаматтардың тізімі кеңейтілді

Malim Админ

  • 29.03.2020

Еңбек және халықты әлеуметтік қорғау министрлігі төтенше жағдай кезінде табысынан айырылу жағдайларына байланысты Мемлекеттік әлеуметтік сақтандыру қорынан (МӘСҚ) жаңа әлеуметтік төлем тағайындалатын азаматтардың тізімін кеңейтті және оны тағайындау шарттары жеңілдетілді.

1. Төлем алушылар шеңбері кеңейтілді.

Бастапқыда бір адамға айына 42,5 мың теңгені (ең төменгі жалақы) құрайтын әлеуметтік төлем азаматтардың келесі санаттарына төленуі керек еді:

- орта, шағын және микробизнес субъектілерінің қызметкерлері;

- жеке кәсіпкерлер (бұдан әрі – ЖК);

- жеке практикамен айналысатын адамдар (нотариус, жеке сот орындаушысы, адвокат, кәсіби медиатор) (бұдан әрі – ЖП);

- бірыңғай жиынтық төлемді төлеушілер (бұдан әрі – БЖТ).

Енді оларға:

- нысанасы жұмыстарды орындау (қызметтер көрсету)болып табылатын  азаматтық-құқықтық сипаттағы шарттар бойынша табыс табатын адамдар (бұдан әрі – АҚС), өздері үшін салық агенттері міндетті зейнетақы жарналарын аударған жеке тұлғалар кіреді.

- карантин енгізілген елді мекендердегі ірі бизнес субъектілерінің қызметкерлері.

2. ТЖ байланысты табысты жоғалту фактісін растайтын құжаттарды ұсыну қажеттілігі жойылды.

Бұрын әлеуметтік төлемдер туралы өтінішті жұмыс берушілер өз қызметкерлері үшін, ЖК, ЖП және БЖТ төлеушілер – өздері бере алатын. Сонымен бірге, жұмыс берушілер төтенше жағдай кезінде қызметті шектеуге байланысты өз қызметкерлерінің табысын жоғалтуын растайтын құжаттарды, қызметкерлердің тізімін және қызметкерлерге жалақысы сақталмайтын еңбек демалысын беру туралы бұйрықтан үзінді көшірмені ұсынуы керек еді.

Енді төтенше жағдай салдарынан кірісті жоғалту фактісін растайтын құжаттарды ұсынуға қойылатын талаптар алынып тасталды.

Әлеуметтік төлемдерді тағайындау үшін:

- жұмыс берушілер өтінішті тек қызметкерлердің тізімін қоса бере алады;

- ЖК, ЖП, АҚС және БЖТ төлеушілер жеке деректерді көрсете отырып, тек өтініш береді.

Сондай-ақ, қызметкер жұмыс берушіні күтпей-ақ өтінішті өзі бере алады.

Сонымен бірге барлық өтініш берушілер төтенше жағдайдың енгізілуіне байланысты кірістерді жоғалту фактісінің дұрыстығы үшін өзіне жауапкершілік алады.

Өтініш «Электрондық үкімет» веб-порталында «Электрондық өтініш» сервисі арқылы электрондық форматта беріледі.

3.   Төлем тағайындау үшін әлеуметтік сақтандыру жүйесіне қажетті қатысу мерзімі қысқартылды.

Бұрын төлем тағайындау үшін әлеуметтік сақтандыру жүйесінде соңғы 12 ай ішінде кем дегенде 3 ай қатысу талап етілетін.

Енді қызметкердің (ЖК және ЖП дербес) мемлекеттік әлеуметтік сақтандыру қорына (АҚС үшін – БЖЗҚ-ға жарналар) соңғы 12 айда кемінде 1 рет әлеуметтік аударымдар жасауы, әлеуметтік төлем тағайындау үшін жеткілікті болады.

МӘСҚ-тен әлеуметтік төлемді тағайындауға үміткер азаматтарға әлеуметтік аударымдар немесе зейнетақы жарналарының бар-жоғын дәлелдеудің қажеті жоқ, бұны автоматты түрде «Азаматтарға арналған үкімет» мемлекеттік корпорациясы» КЕАҚ тексереді.

4. Өтінімдерді қарау және әлеуметтік төлемді тағайындау мерзімі 7-ден 3 жұмыс күніне дейін қысқартылды.

Байланысты жаналықтар

Тоқаевпен көзқарасы сәйкеспейтін "Халық барысы" Сағынтаевтың орынбасары

21.09.2020

Даулы заң: Тоқаев Конституциялық кеңеске жүгінді

12.05.2021

Митинг заңы: Тоқаев уәдесінде тұра ма?

13.02.2020

Қытайдың Тоқаевқа тарту еткен суперкомпьютері

19.02.2020

Тараздағы жарылыс: «Мына түрімізбен мемлекеттіліктен айырыламыз»

27.08.2021

Қытай Қазақстанға медицина қызметкерлерін көмекке жіберіп жатыр

07.04.2020
MalimBlocks
Тоқаевпен көзқарасы сәйкеспейтін "Халық барысы" Сағынтаевтың орынбасары

Даулы заң: Тоқаев Конституциялық кеңеске жүгінді

Митинг заңы: Тоқаев уәдесінде тұра ма?

Қытайдың Тоқаевқа тарту еткен суперкомпьютері

Тараздағы жарылыс: «Мына түрімізбен мемлекеттіліктен айырыламыз»

Қытай Қазақстанға медицина қызметкерлерін көмекке жіберіп жатыр