Вирус жұқтырған дәрігерлерге Тоқаев араша түсе ме?

Алмас НҮСІП

  • 14.04.2020

Бүгін Алматыдағы орталық қалалық клиникалық аурухананың тағы 110 қызметкерінен коронавирус табылғаны анықталды. Мұны қалалық денсаулық сақтау басқармасының басшысы Тілеухан Әбілдаев хабарлады. Сөйтіп, бұл ауруханада COVID-19-ды жұқтырған қызметкерлер саны 147 адамға жетті

Кешелі бері жұрттың назарын аударған Алматы қалалық орталық клиникалық ауруханасының дәрігерлері президент Тоқаевтан араша сұрады. Бұл туралы Malim.kz хабарлайды.

Аурухана қызметкерлері президентке ашық хат жолдап, ол Facebook арқылы жарияланды. Хатта аурухана қызметкерлерінің карантин талаптарын сақтамауы туралы БАҚ таратып жатқан ақпараттар мен қалалық СЭС тарапынан тағылған айыптаулар жалған екені айтылады.

«КВИ тарала бастаған кезде-ақ Алматы қ. Қоғамдық денсаулық басқармасы мен клиника әкімшілігі бізге белсенді түрде КВИ-дің алдын алу бойынша оқу-жаттығулар мен тренингтер өткізді, қор қадағалынп отырды, дезинфекциялық және жеке қорғаныш заттарымен қамтамасыз етілді», деп сөз бастаған дәрігерлер карантиндік шаралардың күшейтілгенін: күніне 10 мәрте маска ауыстырып кигендерін, қабылдау бөлімдерінде бөлек кіріп-шығуға жағдай жасалғанын, шұғыл қызмет өкілдерінің арнайы костюммен жүргенін, т.б. айтады.

«Әр қаралуға келген емделушінің вирус таратушы болуы мүмкін» екенін айтқан қызметкерлер әлемде таралып жатқан пандемияны жұқтырып алу қаупін толықтай жоққа шығару мүмкін емесін айта келіп, Алматы қаласы Тауарлар мен көрсетілетін қызметтердің сапасы мен қауіпсіздігін бақылау департаментінің басшысы Айзат МОЛДАҒАСЫМОВАНЫҢ инфекция жұқтыруға сақтық шараларын сақтамаған дәрігерлердің өздері де кінәлі деген мәлімдемесінің жала екенін жазады.

«Басқа – басқа, дәрігерлер КВИ қаупі мен сақтық шараларын жақсы біледі. Әлемде пандемия болып жатыр, қаншама медицина қызметкерлері ауру жұқтырды, бұл жерде басшылық пен дәрігерлердің, сақтық шараларының не қатысы бар?

СЭС қызметкерлері бізді тексеріп кеткен соң оларда КВИ анықталғанын білеміз. Солай бола тұра, бізге бұл туралы ешкім айтқан жоқ, кейін білдік. Бәлкім вирус таратушы солардың өзі шығар? Олармен байланыста болған адам ретінде ешкім тексерген жоқ. Айзат Молдағасымова ханым бізге қылмыстық жауапкершілік туралы айтып қорқытады, ал өзі жеке басының абыройы үшін фактіні жасырады!»

Қазір карантинге жабылған клиника қызметкерлерінің бәрі анализ тапсырған, енді қорытындысын күтіп отыр. Және президенттің қорғауын, қолдауын күтеді.

Бұл ашық хат жазылған соң желіде 12 аурухананың Дидар есімді тавмотолог-дәрігерінің видеосы жарияланды. Видеода Дидар 11 сәуір күнгі тексеру нәтижесінже 56 дәрігерден вирус шыққан.

«11-інен 13-іне дейін 3 күн бойы бұлармен біздің әріптестеріміз байланыста болды. Ешқайсысын оқшаулаған жоқ. Бөлмеде 4 мед.қызметкерден жатқызылды. Олар дәлізге еркін шығып жүрді, бір-бірімен байланыс жасады. «Көктем» санаториясына оқшауланған біздің арамыздағы әр үшінші адамнан вирус анықталып отыр. Біздің әкімшілік, бас дәрігер Алмас Болатұлын оны нашар басшы деп айта алмаймын, бірақ, біздің анализ қорытындысын үш күн бойы күткеніміз, бір бірімізбен байланыста болғанымыз үшін кім кінәлі екенін анықтау қажет», - дейді травмотолог-дәрігер.

Дидардың айтуынша, аурухана дәрігерлері вирусты науқастардан жұқтырған. Өйткені, қорғаныш құралдарымен толық қамтамасыз етілмеген. «Дәрігерлерідің өзі вирус таратушыға айналып отыр» деген дәрігер өзге аудандардағы әріптестерінің жағдайы да осындай екенін айтады.

Айта кету керек, ашық хатқа 370 қызметкер қол қойған.

Байланысты жаналықтар

Сайрагүл халықаралық «батыл әйел» сыйлығымен марапатталды

04.03.2020

Астана мен Алматыда ХҚКО-лардың қызметтер саны қысқарады

19.03.2020

Тоқаев: Жұрттың көбі әлі де үйде отыра тұрғаны дұрыс

11.05.2020

ЖАЗҒЫ ӘСЕРЛЕР ТУРАЛЫ ҚЫСҚЫ ЖАЗБАЛАР (І, ІІ тарау)

18.04.2020

30 жыл биліктен кетпеген президент қайтыс болды

25.02.2020

Нұрлан Ермекбаев: Депутаттар әскерге шақырылмайды

03.04.2020
MalimBlocks
Сайрагүл халықаралық «батыл әйел» сыйлығымен марапатталды

Астана мен Алматыда ХҚКО-лардың қызметтер саны қысқарады

Тоқаев: Жұрттың көбі әлі де үйде отыра тұрғаны дұрыс

ЖАЗҒЫ ӘСЕРЛЕР ТУРАЛЫ ҚЫСҚЫ ЖАЗБАЛАР (І, ІІ тарау)

30 жыл биліктен кетпеген президент қайтыс болды

Нұрлан Ермекбаев: Депутаттар әскерге шақырылмайды