Отбасы жайлы хадистер

  • 15.05.2020
  • Malim Админ

Бүгін – отбасы күні. Отбасының берекесі өте маңызды. Қазір бас қосқандардың тең жартысы ажырасып кетіп жатыр. Оның бәрі отбасы маңыздылығын түсінбегендіктен. «Отан – отбасынан басталады» десек, сол бастауға әрдайым берік, адал, мұқият болған жөн. Отбасылық татулық пен берекені, тыныштықты сақтап, бақытты болуды асыл дініміз  қуаттайды. Ардақты Пайғамбарымыз (с.ғ.с.) хадистері арқылы бақытты отбасының жолын көрсетті. Ендеше хадистерге назар аударайық.

  1. «Мына дүниенің жалғандығы – ол өткінші бір өмір ғана. Өткінші өмірдегі қолдануға берілген жақсылық – ол салиқалы, жақсы әйел».
  2. «Жанұяңыз үшін нені сарп қылсаңыз да, оның сыйын аласыз, тіпті ол әйеліңіздің аузына қолыңызбен салған бір тілім ас болса да» .
  3. «Шындығында, Қиямет күні Алланың алдында дәрежесі төмен адам, ол ері әйелімен сырласса және әйелі ерімен сырласса, кейін екеуінің бірі жұбайының сырын басқаларға таратып қоятыны».
  4. «Ері мен әйелі бір-біріне сүйіспеншілікпен, мейіріммен қараса, Алла Тағала да оларға сүйіспеншілікпен, мейіріммен қарайды».
  5. «Әйелдерге жақсы қараңдар. Өйткені әйел заты қабырғадан жаратылған. Ал қабырғаның ең қисық жері – жоғарғы жағы. Егер оны түзеймін десең, сындырып аласың. Ал тиіспей қойсаң, сол қисық қалпында қалады. Сондықтан әйелдерге жақсы қараңдар».
  6. «Әйелмен қарым-қатынас жасауда Алладан қорқыңдар! Шындығында, Алла оларды сендерге аманат етті және оларды алар кездеріңде сендер Алланың атымен ант еттіңдер».
  7. «Сендердің ең жақсыларың – отбасы мүшелеріне жақсы мәміледе болғандарың...»
  8. «Әйел бес уақыт намазын оқып, ар-намысын қорғап, еріне бағынса, жәннаттың қалаған есігінен кіреді».
  9. «(Әйеліңе!) Өзiң жегенiңнен жегiзу, өзiң кигенiңдi кигiзу. Және оның бетiнен ұрма, сондай-ақ балағаттап жаман сөз айтпа! Үйiңнен тыс орында дауысыңды көтерiп ұрыспа!»
  10. «Әйеліне бір мәселені үйреткенге  жетпіс жылдық  құлшылық сауабы беріледі».
  11. «Мүмін ер өз әйеліне ренжімесін. Себебі, мінезінің нашар тұстарымен қатар, жақсы жақтары да болады».
  12. «Әйел әлсіз болып жаратылған. Сондықтан ол әлсіздікті үнсіздікпен жеңіңдер және оның кемшіліктерін елемеуге тырысыңдар».
  13. «Ең жақсы мұсылман – көркем мінезді және жұбайына жақсы қарайтыны».
  14. «Кімде-кім әйелін ұрса, қияметте ол менің дұшпаным болады. Әйелін ұратын ерлер – Аллаға және Оның елшісіне қарсы шығатындар».
  15. «Әйелдеріңе қиянат жасамаңдар! Олар – Алланың сендерге берген аманаты. Олармен жұмсақ болыңдар және оларға жақсылық жасаңдар».
  16. «Әйеліне жұмсақ болған және күлімсіреп қараған кісіге бір құл азат еткендей сауап жазылады».

Дереккөзі: ihsan.kz, muslim.kz

Байланысты жаналықтар

Дәрігер: 425 мыңның орнына төлегендері 30-35 мың теңге

05.08.2020

Педагог мәртебесі: Аймағамбетов кітапханашыларды ұмытып кеткен бе?

07.09.2020

Қазақ балуандары жеті алтын алды

19.04.2021

Ақорданың пошта жәшігіне де жете алмады

17.02.2020

Әкімдердің арасында ең жаңа автокөлікті Нәлібаев теуіп жүр

18.09.2020

Қазақстан ғылымының жай-күйі қандай?

12.04.2020