Бүгін қазақстандықтар «Отбасым – менің байлығым» акциясын бастады. Оған әлеуметтік желіде отбасыңыздың суретін жариялау арқылы акцияға қосылуға болады, деп хабарлайды Malim.kz.
Қазақстанда «Отбасы күні» 2013 жылы бекітілген.
Мерекенің негізгі идеясы – ұлттық және отбасылық құндылықтарды дәріптеу, отбасы мен неке ұғымдарына сүйіспеншілік тудыру.
Биыл мерекенің жаңа тұжырымдамасы бекітілді.
Айта кетейік, 2-8 қыркүйек аралығында Отбасы күніне арналған апталық өткен еді. Аптаның әр күні отбасылық дәстүрлер, некені жоспарлау, ұрпақ саулығы, саналы ата-ана болу, отбасылық демалыс және басқа да тақырыптарға арналды.
Мәдениет және ақпарат министрлігінің мәліметінше, Республика бойынша барлығы мыңнан астам шара өткізіліп, 1 миллион адам қамтылған.
Фото: aqshamnews.kz
