Тоқаевтың тапсырмаларын орындауға 1,6 трлн теңге бөлінеді

  • 04.09.2020
  • Malim Админ

2021 жылы Тоқаевтың тапсырмаларын орындауға 1,6 трлн теңге қарастырылып отыр.

«Президенттің Жолдауда берген тапсырмаларын орындау тиісті қаржыны қажет етеді. Биылғы республикалық бюджетте тиісті қаржы қарастырылған. Мысалы, тез салынатын 13 жаңа инфекциялық ауруханаға 30 млрд теңге ескерілген. Үкімет резервінен табысы аз отбасылардың балалары үшін компьютерлік техниканы сатып алуға 70 млрд теңге бөлінді. Қазіргі кезде 2020 жылғы бюджетті нақтылау аясында қосымшы шығыстарды қамтамасыз ету бойынша жұмыстар жүргізілуде», - деді Премьер-Министрдің бірінші орынбасары Әлихан Смайылов Үкімет үйіндегі өткен баспасөз мәслихатында.

Тапсырмаларды орындау аясында шығындарды оңтайландыру қарастырылған. Сонымен қатар бюджетке қосымша түсімдер көлеңкелі экономиканы төмендету бойынша жұмыстардан қамтамасыз етіледі.

«2021 жылдың бюджетінде Жолдаудағы Президент тапсырмаларын орындауға 1,6 трлн теңге қарастырылған. Бірінші кезекте медицина қызметкерлерінің, мұғалімдердің еңбекақысын көтеру, шағын және орта бизнестің несие бойынша пайыздық ставкасын субсидиялау, республикалық маңыздағы жолдардың құрылысы, «Ауыл – Ел бесігі» бағдарламасына, сондай-ақ басқа да бағыттарға арналған шығыстар ескерілген. Бұдан басқа тапсырмалар тұрғысында мемлекеттік органдармен шығыстар көлемі нақтыланып жатыр», - деді Әлихан Смайылов.

 

Байланысты жаналықтар

Имашев vs Цой: Тоқаев кімнің сөзін тыңдайды?

22.10.2020

Қордай қақтығысы: Айыпталушылар 20 жылға дейін сотталуы мүмкін

14.04.2021

Отырар «Нұр-Отанмен» өрекендейді!

23.12.2020

Тасмағамбетов лауазымды қызметке ұсынылды

15.03.2021

ҚАСТЕР мен МҰРАГЕР бостандыққа шықты

22.06.2020

Тохтасунов мәжіліске бара жатыр

08.12.2020