Экс-президент журналист болатынын айтты
Польшаның бұрынғы президенті Анджей Дуданың журналистика мамандығын таңдауға бел байлағаны белгілі болды. Бұл туралы X әлеуметтік желісінде Kанал Зеро интернет-арнасының негізін қалаушы Кшиштоф Становский хабарлады.
Мен Канал Зерo-да жаңа автордың пайда болғанын хабарлағаныма өте қуаныштымын. Президент Анджей Дуда 16 өзекті тақырып бойынша 16 шоу дайындайды, — деп жазды Становский.
Оның айтуынша, бұрынғы поляк көшбасшысы дайындаған шоуларда «ондаған әңгімелесуші мен олардың жағдайларға, естеліктер мен өзекті мәселелерге көзқарастары» көрсетіледі.
Зеро арнасы YouTube бейнесервисінде таратылады. Бұл арна Польшаның ең ірі оппозициялық «Заң және Әділет» партиясымен байланысы бар деп есептеледі.
Тамыз айында Дуда президент ретіндегі жұмысын «беске» бағалап, алты балдық жүйені қолданғанын атап өтті.
Польшада 1 маусымда өткен президент сайлауының екінші турында ең ірі оппозициялық «Заң және әділет» партиясының кандидаты Карол Новроцкий жеңіске жетті. Ол 50,89 пайыз дауыс жинаса, оның қарсыласы биліктегі «Азаматтық коалицияның» өкілі Рафал Цхасковский 49,11 пайыз дауыс жинады.
Фото: Белта
Ең көп оқылған
