Балқаштағы болжамды пара беру ісі бойынша жергілікті полиция бөлімінің бұрынғы басшысы мен кәсіпкер екі ай мерзімге қамауға алынды, олар бұл шешіммен келіспейді, деп хабарлайды Malim.kz ҚазТАГ-қа сілтеп.
Қамауға алу туралы ақпаратты ҚазТАГ тілшісіне сейсенбі күні Қарағандының тергеу соты растаған. Онда сот қаулысы заңды күшіне енбегені, адвокаттардан жеке шағымдар түскені және материал облыстық сотқа жолданғаны нақтыланды.
Бұған дейін Қарағандыдағы тергеу соты болжамды парақорлық туралы қылмыстық істі тергеу кезеңінде екі ай мерзімге қамауға ұстау түріндегі бұлтартпау шарасын таңдаған болатын.
«Патриот» паблигінің мәліметінше, Балқаш полициясының полковнигі Т4 млн көлемінде пара алды деп күдіктелуде. Оған қарсы айғақты тергеу нұсқасы бойынша осы болжамды парақорлық ісінде делдал болған кәсіпкер берген.
Полковниктің өзі пара алғанын жоққа шығаруда. Ал кәсіпкер сотта оны айғақ беруге мәжбүрлегенін мәлімдеді.
«Балқаштың бұрынғы бас полицейі сотта өзін қарсыластары «тапсырыс бергенін» айтты», - деп хабарлайды «Патриот» паблигі Саяқ кентіндегі «қара» алтын іздеушілерді меңзеп.
