Биыл Шымкентте ортақ пайдалану орындарын ластағаны үшін 13 мыңға жуық тұлға жауапқа тартылды, деп хабарлайды Malim.kz.
Polisia.kz жазуынша, бұл бағытта полицейлер жалпыға ортақ пайдаланылатын орындардың ластануына байланысты құқықбұзушылықтарды болдырмау мақсатында ұдайы түрде профилактикалық іс-шаралар жүргізеді. Тәртіп сақшылары белгіленбеген жерлерде қоқыс тастау жайттарын жедел басқару орталығының камераларының көмегімен де анықтайды.
Жыл басынан бері Шымкентте осындай құқықбұзушылық жасағаны үшін 13 мыңға жуық адам әкімшілік жауапкершілікке тартылған.
Айта кетейік, ортақ пайдаланылатын орындарды, саябақтарды, скверлердi ластау, оның iшiнде белгiленбеген орындарға коммуналдық қалдықтарды тастау заңнамаға сәйкес 5 АЕК мөлшерінде айыппұл салуға алып келеді. Егер бұл әрекеттер бір жыл ішінде қайталап жасалған болса, құқық бұзушыға 10 АЕК мөлшерінде айыппұл салынады.
Фото: pixabay.com
