Алматыда Гүлмира Сатыбалдыға қатысты сот отырысы басталды

Оған кәсіпкерді бопсалады және ұрлады деп айып тағылып жатыр.

Malim Админ

  • 03.06.2024

Адам ұрлап, бопсалады деп айыпталған Гүлмира Сатыбалды Астанадан Алматыға жеткізілді, деп хабарлайды Ulysmedia.kz.

Алматыда Гүлмира Сатыбалдаға қатысты басты сот отырысы басталды.

Сот отырысы Алматы қаласының қылмыстық істер жөніндегі мамандандырылған ауданаралық сотында өтеді. Гүлмира Сатыбалдыға кәсіпкерді бопсалады және ұрлады деп айып тағылып жатыр.

Бұған дейін ол Астанадан Алматыға жеткізілген.

Гүлмира Сатыбалды деген кім?

52 жастағы Гүлмира Сатыбалды - Қазақстанның экс-президенті Нұрсұлтан Назарбаевтың жиені Қайрат Сатыбалдының бұрынғы әйелі. 2005 жылға дейін Қайрат Сатыбалдымен некеде тұрған. Мамандығы – мұғалім. Ортақ үш балалары бар (ұлы Бауыржан және екі қызы: Аружан мен Дария).

Қазақстанның сыбайлас жемқорлыққа қарсы қызметі Қайрат Сатыбалдыны қамауға алғаннан кейін арада бірнеше күн өткенде Г.Сатыбалды бизнесті рейдерлік басып алды деген күдікпен ұсталды. Прокурордың айтуынша, тергеу барысында ол Қазақстаннан қашуға тырысқан.

Кейінірек ведомство іс рейдерліктен басқа, Шымкент Жолаушылар көлігі және автомобиль жолдары басқармасының нақты орындалмаған құрылыс-монтаж жұмыстары үшін төленген 741 млн бюджет қаражатын ұрлау бойынша өтіп жатқанын айтты. Гүлмира Сатыбалды бұл іс бойынша мемлекетке келтірілген залалды өтеген.

Ол не үшін сотталады?

Осы сот процесі аясында Гүлмира Сатыбалдыға Қылмыстық кодекстің бірнеше эпизоды бойынша айып тағылуда: ауыр зардаптарға әкеп соққан озбырлық (389-бап, 3-бөлік); қылмыстық құқық бұзушылықты ұйымдастыру (28-баптың 3-бөлігі); адамдар тобымен алдын ала сөз байласу арқылы адам ұрлау (125-баптың 2-бөлігі 1.8-бөлігі).

Сотталушының өтініші бойынша сот процесі барысында Гүлмира Сатыбалдыны фото және видеоға түсіруге және жариялауға тыйым салынды.

Фото: видеодан скрин

Байланысты жаналықтар

Астанадағы циркте гимнаст қыз биіктен құлады

19.05.2025

Миллиард теңге жымқырған экс-шенеунік Қожағапанов 3 жылға сотталды

19.05.2025

Видеоны таратамыз деп қорқытқан: ШҚО-да полицейлер сотталды

15.05.2025

Шерзат ісі: сотта адамшошырлық кадрлар көрсетілді

15.05.2025

Шерзат ісі: судья ескерту жасады

15.05.2025

20 штат Трамп әкімшілігін сотқа берді

14.05.2025
MalimBlocks
Астанадағы циркте гимнаст қыз биіктен құлады

Миллиард теңге жымқырған экс-шенеунік Қожағапанов 3 жылға сотталды

Видеоны таратамыз деп қорқытқан: ШҚО-да полицейлер сотталды

ШҚО-да полицейлер ақша бопсалағаны үшін сотталды

Шерзат ісі: сотта адамшошырлық кадрлар көрсетілді

Шерзат ісі: судья ескерту жасады

20 штат Трамп әкімшілігін сотқа берді