Астанада жоғалған жасөпірім қыздар Алматыдан табылды
Полиция екі қызды келесі күні таңертең қаланы аралап жүрген жерінен тауып алған.
Астана тұрғыны полицияға кәмелетке толмаған қызы мен жиенінің жоғалып кеткені туралы арызданған. Жеке құрам бірден балаларды іздеу жұмыстарына жұмылдырылған, деп хабарлайды Malim.kz.
15 жастағы жеткіншектердің Indraiver-таксимен Алматыға жолға шыққан.
Қалаға жеткен соң жалдамалы пәтерде түнеп шыққан. Полиция екі қызды келесі күні таңертең қаланы аралап жүрген жерінен тауып алған.
Жедел іздестіру шаралары барысында Сарыарқа аудандық ПБ криминалдық полиция қызметкерлері жоғалған жасөспірімдерді ата-аналары келгенше бейімдеу орталығына орналастырды. Жеткіншектермен және олардың ата-аналарының қатысуымен алдағы уақытта мұндай оқиғалардың алдын алу жөнінде профилактикалық әңгіме жүргізіледі.
Астана қаласы ПД ата-аналарға баланың мінез-құлқын бақылау қажеттігін айтып, олардың тәрбиелік міндеттерін тиісінше орындамағаны үшін тиісті жауапкершілік қарастырылатынын ескертеді, – делінген полиция мәлімдемесінде.
Фото: Астана ПД
